The Canadian Art Database
 
Artist's Profile    Thumbnails    Timeline   |   

    
John Pangnark

John Parnaq
John Parnaq inuuliqtuminiq Windy tasinganik ungasinnilimmik 300 kilumiitanik Arviat pingannangani, ammalu uannangani Manitoba-up killingata, Kivallirmi Nunavummi. Arviat sanaugaqtingatitut Elisapee Nutaraaluk nuttiqtuminiq taikungatsainnaq nunalinnut 1958 mitsitinni atsururnaqtukkuulauqsuni arraagurasannik, piluaqtumi 1950-nginni pirlirarniulauqsimajut. Taitsumuuna inuusituqanga asijjitsialauqsimajuq. Parnaq angunasuqattainnalauqtuugaluaq, makimatsitsuni ilaminik, kisiani alaggaittumik sanaugaqtiruqpallialilauqsimajuq 1960 pigialiqtillugit.

Ujaqqamik sanaugangit ammalu tuttuup najjunginnik, inunnguangugajuttut. Amisut sanaugaqtiit Arviarmik anaanagiinngualiurajuttillugit Parnaq anaanagiinnguanik sanagajuittuq kisiani inutuannguanik. Pijariakillitippallialilauqsimajangit sanaugait 1960 qitinginni, mikillivallirmitsutik 1970-nginni. Parnaq qaujimajauluannguarmijuq kingulliqpaami sanaqattaqsimajanginnut manirattunut, ajjigiinngittunik qaalinnut kiinannguangit qipuqqiqsimatuinnaqtuujaaqsutik, ammalu inunnguaq sunakkutiqatsiangittuq. Sanannguarninga ajjiungimmijuq nunaliit iluanni ammalu Kivallirmi qaujimajautsiaqsuni sanammagalatuinnaugiangit.

Parnaq qaiqqujausimalauqsimajuq sanaugatiuqujaulluni Expo 70-mi, Osaka-mi Jaapaniisikkut nunanganni taavungaqtuminiutsuni March 1970-ngutillugu. Sanaugangit nuatausimajummariujut Kanatami ammalu Mialigait nunanganni; takutsautitsiqattapallialilauqsimajuq 1970-ngutillugu ammalu inutuutsuni takutsautitsigianngalauqtuq Los Angelos-mi, California-mi 1972-ngutillugu.

Parnaq inuujunniilauqsimajuq 1980.

Artist's bio:
Inuktitut (roman orthography) [above]
[Inuktitut (syllabics)] [English] [Fran├žais]




Images of work in the Canadian Art Database [26]
Image Timeline view
Thumbnail Image view
Image Detail view


example image
The Centre for Contemporary Canadian Art
The Canadian Art Database: Artist Files