The Canadian Art Database
 
Profil de l'artiste    Imagettes    Chronologie   |   

    
Karoo Ashevak

Karoo Ashevak
Inuuliqtuminiq 1940 saniani Talurjuap Qitirmiuni Nunavummi, Karoo Ashevak nunaqaqsimajuq asini, inuusiqaqsuni piqqusiqaqtumik angunasuppatsutik, nuttilaunnginirmini Talurjuarmut 1960-mi. Ashevak qaujimajaujjutiqaqtuq ajjiungittunik qimirruniqasuungummata tautuqquuqtanginnik ammalu Inuit angakkininginnik tamakkunani sanaugarmini. Pinnguarniqaqtuujaaqsuni, sanagusirivattanga takutsautitsimmat anginiqsamik-sanammangit ammalu ijurnaqsutik-ilulilluatarijangit sanannguagangita tarninnguat, angakkuit, ukiuqtaqtumiutait uumajut ammalu inunnguat. Atuqtalluataqarajutsuni Arviup sauninganik ammalu atusuungummitsuin ujaqqanik tuugaarnillu, tuttuit najjunginnik ammalu suqqarnik ilagutsiutisimatillugit sanauganginnut.

Sanaugaqtiukainnalaurnirmini ilitarijaulilauqsimajuq nunalimmini, ammalu Uqsuqtuumi, tautugarijauliqsuni kinguvaariinut Qitirmiuni sanaugaqtinut. Qaujimajammariutsuni Kanatami ammalu Mialigait nunanganni. Karoo Ashevak sanaugangit takutsautitauqattaqsimajuq Turantumi, Manturiumi ammalu Niu Juak-mi. 1973-mi takutsautitaujuqaqtillugu American Indian Arts-kunni Niu Juak Sity-mi nalunaiqsigutaujummat sanaugaqtiuninganik, ammalu 1994-mi takutsautitsijuqaqtillugu National Gallery-mi Aatuvaami takutsautitsimmat pimmariunginnarninganik sanaugangita iluani ullumisiutiit Kanatami sanaugait.

Karoo Ashevak inuujunniilauqsimajuq Uttuupiri 1974 illumik ikittuqaqtillugu arraaguqaqsuni 34-nik

Bio de l'artiste:
Inuktitut (roman orthography) [ci-haut]
[Inuktitut (syllabics)] [Fran├žais] [English]




Images d'œuvres dans la base de données [12]
Chronologie des œuvres
Écran des imagettes
Écran détails

Renseignements connexes
Bibliographie de l'artiste


example image
Centre de l'art contemporain Canadien
La Base de données sur l'art canadien: Fichiers des artistes