The Canadian Art Database
 
Profil de l'artiste    Imagettes    Chronologie   |   

    
Agnes Nanogak

Agnus Nanuraq
Agnus Nanuraq inuuliqtuminiq Nuuvippiri 12, 1925 nunalinni Bailey qikiqtangani uannaqpasingani Paulatuk, Nunatsiarmi. Inuusimajuq ammalu piruqsajausimatsuni uannaqpasingani ukiuqtaqtuup Nanuraup angajuqqaangit, ammalu piruqpallianirisimajanga asini, attuisimallarittuq piliriarivattanginnik. Ataatanga Natkutsiaq (Billy Banksland) Nuummiinngaaqsimajuq Alasikamik, qaujimajammariulauqtuq kasuumatsinivininganut Biujaqaim Sitiivanson. Arvanniutinik umiarnik piliriqattaqsimajuq ammalu umiaqtuqatiqaqsimatsuni Sitiivansanmik, qiniqtillugu uannaqpasiup pingannaqpasiup mitsaani aqqutimik, qaujimalitautsuni. Anaananga, Topsy Ikiuna, piruqsalauqtuq Makanzi mitsaani, Tuttuujaqtuup saniani. Ilagiit nuulauqsimajut maanna Ulutsaqtuunguliqtumut Viktoria qikiqtangani 1934-ngutillugu, arraaguqaqsuni 9-nik.

Nanuraup ataatanga titiqtugarumaniqaqpalliatitsililauqtuq Agnusmik. Ataatangata titiqtuganginnik pijumigijaqaqpallialilauqtuq ammalu uvatsiarugiakkanniuliqtillugu titiqtugarnut saqqipallialilauqsimajunut nunalinni. Tiliuqtautsuni Ataata Henry Tardy-mut, ajuriqtuijimut, titiqtugaqattapallialilauqsimajuq paippaami 1960-ngit pigiaqpalliatillugit. Atuqattalilauqsimajuq titiqtuutinik imalinnik qanuittutuinnarnik taqsalinnik titiqtugaliqsuni atuinnaulirmata 1970-ngutillugu. 1967-ngutillugu ilautinniqaqpallialilauqsimajuq titiqtugaliurnirmut ammalu taimannganit 159-nik titiqtuganginnik amisuliangusimajuqaqtuq.

Agnus Nanuraq ilitarijausimajuq unikkaaqtuaqtiuninganut, titiqtugaqtiuninganut ammalu ilinniatitsijiuninganut. Tunimaniqatsiaqsuni ikajurnirmut Inunnik iqqaumatigumallugit unikkaarijauqattaqsimajunik uqausikkut, unikkaaqtut titiqtugangit, tunngaviqaqsutik unikkaanik ammalu qilaujjarnirmut pisiujunik uvikkaunniraminit, takutsautitsimmata ippigusunginnarninganik unikkausituqarnik ammalu angakkinirmik. 1972-ngutillugu saqqiilauqsimajuq titiqtugarnik qimirruagarnut taijaujutnut 'Unikkaat Illuvigarmi' ammalu 1986-ngutillugu unikkaalauqsimammijuq titiqtugaliuqsugillu aippangani titiraqtaujut 'Unikkaakanniit Illuvigarmik'. Ilaulauqsimammijuq pimmarialummut uvikkarnut aulajjagiaqtaujumut ilinniatitsinirmut pisituqarnik Ulutsaqtuurmi nunalinni ilinniarvingani. Taakkua qilaujjarniujut ammalu pisituqait suli ullumi atuqtauqattaqtut, ilaqaqsutik ullumisiutinik inngiutinnik, pinasuarusitamaat pinnguarvimmi katiqattatillugit ammalu asinginnik katinnimmariujuni.

Inuujunniilauqsimajuq Mai 5, 2001.

Bio de l'artiste:
Inuktitut (roman orthography) [ci-haut]
[Inuktitut (syllabics)] [Fran├žais] [English]




Images d'œuvres dans la base de données [31]
Chronologie des œuvres
Écran des imagettes
Écran détails


example image
Centre de l'art contemporain Canadien
La Base de données sur l'art canadien: Fichiers des artistes