The Canadian Art Database
 
Profil de l'artiste    Imagettes    Chronologie   |   

    
Lucy Tasseor Tutsweetok

Luusi Tasiu Tutsuittuq
Luusi Tasiu Tutsuittuq inuuliqtuminiq 1934-ngutillugu Nunalaarmi Maanituuvva-mi, niuviqtikunni pingannaqpasingani Tasiujaqjuap, nigiani maanna Nunavut killigiliqtangata. Inuujunniilauqtillugu ataatanga ataatatsiakkuminnut nuttilauqsimajuq, nuttapatsutik Nunalaarmut ammalu avataanut. Ataatatsianga iqqanaijaqattarnirmat tamkkiinni nunaliit niuvirvinginni usikattaqtiutsuni qimutsikkut ammalu qajariakkut. Tasiu maligajuppattamininga aullaliraimmat ammalu uqausirillugu isumatarjuaq anginiqpauniraqsugu inuusirmini attuisimatillugu sanavattanginni.

Tasiu sanannguaqattapallialilauqsimajuq ujaqqamik ammalu ilaannikkut tuttuit najjunginnik 1960 pigiaqpallialiqtillugit, uinirataaqsuni ammalu aullaalauqsutik Kangiqsinirmik Arvianut taikanitsainnaq arraagumi. Sananguaqattarianngaqsimajangit uumajunnguat inangiqtaugiilauqsimajut inunngualianginnut. Qiturngariinnguat anaanagiit, ilagiit nunaliillu, ilaqaqsutik imminut attuajunik tukinginnik, turaagalluatarijangit sanannguagarnut.

Uqaqsimajuq tamanna nuugiarnirisimajanga sanagumaluannguaqtaminut pijjutiqarianga nutaraulluni iqqaumavattanginnik ataatatsianganuungajunik. Unikkaaqtuaqsitiulluni isumatarjuap unikkaangit titiqtugaqarajuppattuminiit sanammaqaqsuni ujaqqanut avalujausimatsutik sinarjungitigut, taanna takutsauninga takutsautitsijuq Tasiu titiqtugarusinganik. Amisunik kiinalik niaqulilluunniit, alaggaititaugajutsutik saattujaanik ammalu aturnimik titiqtuqsimatuinnaqtunik, mikijuqjuujaaqsutik nunaup killingani atausiutsuni ujaraq sanannguaqtarijanga.

Isumagijaqallaritsuni 'tautunnguaqtaminik' sanammanganik ujaraup ajjiqallarituinnangitsuni ajjiungittupaalummik nipiqaqsimajuq sanaugaqtiulluni nunalinni qaujimajautsiaqsuni sanammatuinnarnik sanagajugiangit. Nuatausimajulluataujuni Kanatami ammalu Mialigait nunanganni. Tasiu sanaugangit nuatausimajut National Gallery-mi (Kanatami takujagaqarvik), takujagaqarvik Antiuriumi ammalu Inuit piqqusikkuvinganni Kangiqsinirmi. Luusi Tasiu maanna nuanlik sanaugaqpatsunilu Arviani, Nunavummi.

Bio de l'artiste:
Inuktitut (roman orthography) [ci-haut]
[Inuktitut (syllabics)] [Fran├žais] [English]




Images d'œuvres dans la base de données [20]
Chronologie des œuvres
Écran des imagettes
Écran détails


example image
Centre de l'art contemporain Canadien
La Base de données sur l'art canadien: Fichiers des artistes