The Canadian Art Database
 
Profil de l'artiste    Imagettes    Chronologie   |   

    
Helen Kalvak

Halan Kiuvak
Halan Kiuvak inuuliqtuminiq 1901 nunalinni Tasirjuarmi sinaanganiunngittuq Viktoria qikiqtangata, kanannangani Ulutsaqtuup, Nunatsiarmi. Niviaqsiangulluni ammalu ataatanga Haluqqit ammalu anaananga Inataumik, aullaaqattalauqsimajut ukiukkut sinaangani ammalu aujakkut nunaqpagiaqsutik. Ataatanga upigijammariulluni Angakkuulauqsimajuq qaujimajaminik pijunnarnirminillu qimakuqaqsuni panimminut. Piqqusituqarnik malitsutik, Kiuvak titiqtugangit sanngijummariit unikkaaqaqsutik ilisimajanginnik angajuqqaaminik. Takuguminaluarmitsuni, tamakkiinni titiqtuganginni ammalu titiqtugaliarisimajuni. angakkuq ikajuqtautillugu uumajuqutiminut uvvaluunniit tarniqutiminut uvvalu qaujimalitarminut.

Kiuvak titiqtugaqattapallialilauqsimajuq paipaami 1960-ngutillugu, kinguningani aippanga inuugunniikallalauqtillugu taikanitsainnaq arraagumi, nunaqaqsutik sinaanik nunaliralaani. Takutsautitsisimajuq piqqusituqaqtigut inuusirmik ammalu annuraatuqarnik takutsautitsitsuni titiqtugarianngarmini. Taitsumanilu kamavatsuni, atigiliuqpatsuni, pualulivatsunilu Kuapakkunnut Ulutsaqtuurmi ammalu amisugalait titiqtugangit atuqtausimatsutik taqsarijautsutik qisinnut akinnarmiutarnut.

Pigiaqtitsiqatausimatsutik Ulutsaqtuurmik titiqtugarnirmik titiqtugaliurnirmillu kuapakkunginni 1961-ngutillugu, aulajjattaugiarsuni Ataatamut Henry Tardy, Kiuvak titiqtugangit atuqtaulauqsimajut uutturautaullutik natsirajannut taqsaullutik 1962-ngutillugu. Akunningani 1965 ammalu 1985 ungataaniittut 176 titiqtugangit titiqtugaliangulauqsimajut, amisuuniqpaat amisuliarijausimajut Ulutsaqtuurmi sanaugaqtini. Titiqtugaqsimajangit nalautsaaqtausimajut 2000-ngugiangit 1962 ammalu 1978 akurnganni nukingit attuqtausimalauqtinnagit agganginni.

Upigijaujummariulluni innarijaujuq ammalu pimmariulluni nunalinni, kasuumaniqallarilauqtuq atuutisimajaminut. Qaujimaninga piqqusirnik uppirijaujunillu angunasunnirmik, angakkumik qilaujjarnirmik ammalu asijjirunnarnirmik qimakugijaujut, takutsautsutik piusiusimajut saqqiqtausimajut uqausikkut piqqusiqtigullu. Kiuvak ilitarijaulauqsimajuq Royal Canadian Academy-kunnut 1975-ngutillugu ammalu ilitarijausimagilluni qutsiniqpaanut Kanatami 1978-ngutillugu.

Halan Kiuvak tuqulauqsimajuq Mai 7, 1984.

Bio de l'artiste:
Inuktitut (roman orthography) [ci-haut]
[Inuktitut (syllabics)] [Fran├žais] [English]




Images d'œuvres dans la base de données [43]
Chronologie des œuvres
Écran des imagettes
Écran détails


example image
Centre de l'art contemporain Canadien
La Base de données sur l'art canadien: Fichiers des artistes